[APE]

原帖由 meng764 於 2008-7-4 12:17 AM 發表。
好運一定有,運氣時高時低,要把握機會,

請問大大
是否要比較小心申年及火地年,不宜主攻及轉變?

另外我都想知道,是否我其實係幾有上司的運?上司會比較喜歡俾機會我?

我亦想知道我最忌什麼?例如工作及行為上………

[APE]

原帖由 meng764 於 2008-7-3 12:02 AM 發表。
不要將心思用盡，年老就有精神病，將思想用於有益的事，明白嗎？

唉……..希望我唔好太多風浪就會好好多,其實大大認為我往後還有沒有好運?

[APE]

回應meng764大大

其實我以返我位行運朋友既角度黎睇,我才會考慮返老本行,其實如果論財,我的老本行要發真係好難,但幸好這一行既變數好大,就算我成不了幕前,但都有於幕後成功的機會,變數係可以好大,而且講到異性緣方面,好老實,我本身唔係口才高手,我諗你係我條命度睇都睇到,轉數唔算好快,亦唔會太主動追女仔,都數既姻緣都係由女仔作主動多,而於我的老本行,我的個人魅力亦比較強,而且好似睇返我位朋友之可以順利可以以近乎超齡身份成為學徒,都係多得佢有位本身整點心既朋友幫手,加埋佢爸爸既金錢引導,佢既太子爺路就好行了……..而我發覺如果我要做地產,什麼事都要係從新及從頭開始,反而我多數既朋友都係做我之前老本行既,假如靠朋友幫手,於老本行自然比較順利,其實我都只係以這一個角度分析,而且我好鍾意型,亦鍾意自由自在,所以我驚我做一份受薪既工會做唔長,除非月薪好高而令到我肯死心塌地為此工作而悶吧,但又無可能丫……..現在我最驚既都係運氣唔好,少人多而欠貴人幫手………

其實我一向既上司運都唔錯,因為我本身係比較易得到上司歡心(除非我當時係行衰運),而我的小人就永遠存在,只係爭在當時我有無上司照,因為我的小人絕對係兇惡既,一開始就想我死,我唔死佢地係唔會收手,而有上司照既話至少佢地就只能夠陰陰濕濕咁去陰我或者係我背後講我壞話,而面對我時多數都係狗一隻……….

[ 本帖最後由 APE 於 2008-7-3 12:25 AM 編輯 ]

[APE]

原帖由 dmdm2005 於 2008-7-2 11:03 PM 發表。
似乎是03年開始運氣變差,
庚申, 辛酉大運都過得較好.

其實我有點懷疑一點問題,庚申運中的申運是非常破敗,係我人生中其中一個非常深刻而且有效既超級破敗衰運,好似係唔係都要你死一樣,而辛酉就一般吧,普普通通,但戊寅年係一個破敗點,戊寅及已卯令我事業完全停晒

而庚申運中最好的時光就係癸亥,甲子,乙丑,丙寅及丁卯年,戊出干的戊辰年開始完全破敗,當時轉入申運,衰到爆,爆到極點!!!!!!!!!!!!!:pig4:

而講到戊辰年大屋搬細屋的情況,其實遠在庚運的丁卯年已經出現,當時係我媽告訴我的,當時我還與她交換條件,我話如果我可以考到第一名可唔可以唔搬,當時我媽是答應過的,或許她從來不覺得我可以考到第一吧,好老實,讀到大學的人有好多都未必試過考到第一的姿味,但我之後既一年,我真係考到第一,吹咩?但最終我媽完全無執行到承諾,最終一個純真小孩就此被大人騙了,之後我好唔開心,從此亦對其他人無信心,開始不敢相信任何人,切記,小孩真的不能亂騙,尤其是對於他在乎的事

其實我懷疑緊,究竟當時係唔係流年作怪,都時我的好,是不是因為行了癸亥,甲子及乙丑哪幾年,假如我係忌水,因申子合水而壞既話咁又奇怪喇,睇返下一個辛酉大運,以流年計,同樣地亥子丑的流年其實不算太差,同申子合的水完全是兩事,遇申年的真係會破敗,而且破敗得來係會好影響我既心靈,令我不易復原,並不是過了申年就可以於之後既酉年復原,但於亥子丑的年份,情況又不像,至少我無乜關於亥子丑年的深刻惡夢,而申就有,壬申更甚……..

[APE]

原帖由 meng764 於 2008-7-2 10:55 PM 發表。
我們要正信因果，有如是因，方有如是果．可行是心，你不願做地產，但身旁有人 如太太，好友做，亦可得益，明白嗎？

暫時真係毫無概念……..地產這一幅切圖,看來一少片也沒有,暫時亦沒有外來的引動……….我相信任何事也有一個引動的,除了本身興趣之外,好似我有一位朋友咁,佢原本唔係做點心既,但他的爸爸忽然認識到一位比較有錢的女人,可以帶埋佢去移民,而他如果轉行做點心就可以當是技術移民,而且剛考他亦是一位不喜歡整點心的人,剛好他本身亦有位朋友是整點心的可以帶他入行,而他的爸爸亦想移民到加拿大後開食店甚至商場,他遙身一變由窮小子成為了太子爺,而他不知道是不是轉了好運吧,原來他於香水的酒樓學師學得非常辛苦,好唔適應,差點兒想轉工,頂唔住,但又要為咗做太子爺,跟爸爸去移民而討好他的爸爸,無奈死撐,但他撐了不出一個月,竟然出現了公司裡面全體員工抗議兼罷工,最終我個朋友間接受益,忽然工作無咁辛苦,工作時間亦短了,如果他選擇轉工,人工更比起他之前多了一半,你話喇,一個人做一件事可以成功,當中係夾雜咗一d外在既引領,如果佢爸爸無識到一個有錢女人,就無移民事件,無移民事件,我個朋友就唔會轉工學點心,而轉工過程更有朋友係做開既所以就有途徑去學(其實當時以學徒來計,我位朋友近乎係超齡),如果佢既全體同事無罷工,佢當時捱唔捱得住又係一個問號

唉………有陣時真係覺得世事冥冥中好似有主宰咁,好似我位朋友咁,或許他行運吧……..但之前如果無這樣的爸爸就無得移民,無佢既點心朋友就好難搵地方做學徒,無全體罷工佢就未必可以長做長學,總覺是這樣子,行運一條龍,順到無人有,行衰運一條蟲,災禍係接二連三,當事人肯定feel到………

[APE]

原帖由 kevin20223 於 2008-7-2 06:53 PM 發表。
拜託更多大大看看!!! 每個人都說不同我該相信誰呢??

基本上,個人推薦癸海大大,如果連佢都錯了,就真係天玩你,你還可以信誰?而且一個人發與不發還要很多外在的配合,還有一點的是,如果你有多留意新聞或者一些名人就知道,有些人可能最近財運很好,工作量多,住豪宅,但同時會身體出現極大的問題或者六親及婚姻上出現問題,如果只計大運來看,究竟是好還是不好?有些人財以發了,但同樣地出現了一些副作用………總之,個人的睇法上,信癸海大大會比較合適,而且你再問下去答案自然會越來越多,到時你會更加不知道應該相信誰……..個人淺見

PS.至於誰懂算命誰不懂的問題,除非係先知,否則不可能百分百,假如我找到了某位大師算錯了某人的文章,這又等不等於某位大師原來是不懂算命?一時對一時錯,這個大師又行不行?算錯了還要死撐,確實會累死人,其實誰懂得算命,又何需執著?誰是”全對大師”?誰夠膽站出來?sorry,借樓主少少篇幅一用

[APE]

原帖由 dmdm2005 於 2008-7-2 10:13 PM 發表。

我不是說你媽媽的情況,
而是你的情況… :pig4: :pig4::pig4:

我……….明白明白,03年搵錢係唔多,但其實我回想返我03年其實係好多搵錢機會,而且異性緣超好,可惜我誤解了火土不利我的情況,當了癸戊合火,午未合火而不太主攻,其實我當年係近年來過得最快樂的一年,時間過得快,異性緣好,機會係有既

04年我就超差,年頭的卯月因公司有同事偷野而累到全體被炒,差d無糧出要打埋官司,而申月因自己非常不順而唔開心而同女朋友分手,之後年尾都係差,

之後05,06,07都係差,或許是因為之前既甲申年的破敗而影響了我的自信吧,但總括黎講到係唔好,至少我思想方面本身都好混亂,而07年年尾有點財

[APE]

原帖由 meng764 於 2008-7-2 12:32 AM 發表。
心為主，既知方向，命運由己創，勿三心兩意，要行，才可到目的地，支持你．

謝謝,其實我都唔係唔想聽你講去做地產,但我一直深信一個人對某一種工作至少要有某個程度既熱愛才能夠做得好同埋長遠,如果熱愛程度唔夠,而又對這一份工作無乜特別既概念,就好似一個人同一個無feel人拍拖一樣,好快都會分手,而我就更甚,唔鍾意既遊戲,我真係點玩都唔會叻,除非我行運行到腳指尾啦,我搵親既人都買樓,業績又好,個個同事當我係神咁拜,明明唔鍾意都因為成功感而留係度,咁就得,但事實上的確係無乜可能,而呢一個世界上亦唔會只有”唯一的天才”呢一會事,問題係邊位天才運氣比較好,機會比較多,貴人比較有力,咁就會成就咗邊個………

其實我宜家既最大問題係我俾d衰運嚇到驚,好似前一排係條街度無端端俾水淋一樣,搞到我呢一排都唔敢行果一條街,呢d絕對係人同運氣既問題,無人可能解釋到點解會俾樓上既無品住客淋水,就算解釋得到都只不過係馬後砲,我又唔信如果我當時企係對面街度睇住,幾個小時內就會有另一個人會企係同一個位置度俾樓上淋水,這完全係無得解釋,真係只可是問一句:點解會係我? 真係天先至知,以前我細細個既情況,好老實,如果當時唔係同時間出現咁多既逆境,又強制搬細屋,又無端端生暗病,又俾同學恰足五六年,又無人幫………如果唔係同時間咁樣,根本就無可能打得沉當時非常熱血及正面既我,完全似係有一種無形既壓力要我唔準前進一樣,無計,而近年都係,好似甲申年就係另一個樣版,其實我宜家真係好想知道,將來我重可唔可以有空間俾我去衝,我重有無機會,近年我個膽真係細咗好多,我唔想我今次一用力衝之後,又再次聽到我阿媽話:死囉,爸爸又出事了,要唔知幾多錢,又要我放棄晒所有野黎同佢填個爛攤子,唉……..野野都咁,真係駛唔駛玩到我咁盡?唔通八十歲先開始咩……..呢個世界最衰係乜?就係首先就係個天送粒糖俾你食,令你完全愛上了呢一粒糖,搞到你好想以後經常都食到呢一粒糖,但之後個天就同你講,唔好意思,今次你食完,以後你呢一世都無機會再食,重要永遠只可以睇住其他人食,而人地重唔會請你,重要係你面前食得串串共,再之後你重要從事賣糖行業,賣你就有份,搵錢又唔多,同樣地得個賣字,永遠無機會食,個天永遠都只會俾d假機會你,最終你都係無得食既………..唉,我真係好驚個天一直就係想同我開呢一個慘絕人寰既玩笑………..好心無得食既就唔好俾我試啦………唉………..我其實重有無運………….?

[APE]

原帖由 dmdm2005 於 2008-7-2 12:07 AM 發表。
命主03年破財
04年工作壓力大, 財也賺得不多
05年也是工作壓力大, 財運較04年好
06年又破財, 因友破財? 腎病? 貧血?
07年情況似乎和06年差不多

其實我媽一直以來主要都是為了我爸破比較大的財,因為次數都幾多,我都好難答得實,如果只計近年,簡略講講吧,02年左右我媽退休,但這筆退休金在當年用作了支付住緊既一間樓既大部份費用之外,更因為我爸生意上又有問題,我媽便於退休金當用花了八萬元幫佢還債…….而05年既丙戌月,我爸在大陸被綁架,又再花了我媽十幾廿萬,當時還要向親戚借錢,差點兒要賣樓,而07年既4月左右,我爸又再被綁架,我媽又花了一筆錢,最後唔夠錢,唯有報警,再向內地公安求助,之後幸好無事,但又再次嚇一場驚……..總之我媽既大部份錢都是花在我爸的生意上,出多入少,而98年我爸更要坐牢幾年,搞到我家忽然失了平均,忽然我原來發展得開始幾好既舞蹈行業就係因為佢而又要完全停止咗幾年………..

[APE]

原帖由 piter1689 於 2008-2-8 10:40 PM 發表。
**** 付費信息，已經隱藏 ****

怎樣開的?開不到啊?

是否簡體字的?好似錯碼………..

[APE]

原帖由 dmdm2005 於 2008-7-1 11:21 PM 發表。
2000年, 會因兄弟姐妹朋友 而破財, 父親的身體也較差.
2001年, 也會有同樣現象, 但情況較輕.

其實她一直只會因我爸的事而破大財,其他既都唔係乜野破財,好少人可以令佢特別破睇,而她的父親於她細細個既時候已經離開咗,唔知去咗邊,而她一直養起頭家,包括她的媽媽,至1989年止

[APE]

原帖由 dmdm2005 於 2008-7-1 11:04 PM 發表。
請問你的母親是不是有婦女病, 腎病, 或貧血?

有,一直她都不吃得有麵粉的食物,如果唔知就會有皮膚敏感

[APE]

原帖由 meng764 於 2008-7-1 10:39 PM 發表。
看來又真的不順，已過去了．不要多想，用自己正確思維，走出一條新路吧．

係非常非常非常的不順,其實我本身的性格也不是這樣的,我是比較開朗及樂觀的,自少已經係理想型,喜歡定下目標才進行,是沒有目標及理想就會死果種人,亦深明要混於一個團體裡面組織自己團隊的重要性,問題係當時究竟順唔順我囉,睇吓團體中小人的力量強唔強,如果強既話我通常都係反過來第一個被封殺的目標,如果有貴人,我就順利得多,而且速度快,其實我妹妹都話我自從”申”運之後我個人係陰沉晒,整個人似係完全唔開心,以前係閃亮的,申運係污濁而黑暗的,毫無神彩可言

其實大大,請問我的最惡之運是否已經過去,二三十年內除了注意一吓申年之外,是否不會再遇見惡運?

假如子水是我所希望得到的重要之物,是否我現在只要依著我心中所想的去進行便可?

[APE]

原帖由 meng764 於 2008-7-1 12:35 AM 發表。
你命中子水，為調侯用神，遇申運，子水被奪，當然出問題，明白嗎？　

係囉,只係計甲申年渣,年頭丁卯至戊辰月打工因同事偷公司野而累到全team人齊齊被炒,重要被罰無糧出,最終要搞到入警局再搵勞工處傾,打晒官司咁先至有返d糧,而之後一個月,02年年尾整咗既假牙忽然爛咗,搞到我講野由口齒靈利變成講野好辛苦,到壬申月因壓力太大而工作不順,最終與女友分手,年尾講野又唔成功………唉,每次遇申都有一個大而深刻既黑暗期

而申運就更加唔駛講,大屋搬細屋,大房搬無房,返學小人多,無理地俾人恰,心情又唔開心,經常遇到黑社會,根本無辦法讀書,身體無端端帶暗病,買親既電器都好快壞,庚申運中既壬申年更加係衰到爆,同朋友行山,行行吓唔見咗班朋友,撞正一大班山狗,之後俾狼狗追,差d死呀,好彩我以人的本身救生意志狂爆走,走得甩,申運簡直係癡線架,如果無申運,我好肯定我至少係大學生一名……….

行申運及申年真係好似重差過行火地……..所以有師父同我講話喜金水,如果講唔出壬與申既問題,在於我黎講這些深刻的惡運都講唔出,我真係好難信…….

而講到壬水的情況,雖然無遇申咁慘,但個人的睇法,不管遇壬水有無根,壬子又好,壬戌也好,首先原本我條命係無壬水,內藏都無,本身無明顯訊號,而且,正如癸海大大的講法壬水來是羊刃逢沖,個人見解上,戊土看似沒有太好的方法來得到壬水,只係剋水,功太小,假如命中子水不宜動,壬水來都有可能令子水動,而己壬混我就唔太清楚點解喇………….

[APE]

原帖由 kevin20223 於 2008-7-1 05:30 PM 發表。
出生日西元1987年8月5日子時生
性別：男生
西元：　1987年 8月 5日 0時33分 0.0秒　
　　　西元：　1987年 8月 5日 0時33分 0.0秒　　　　　　　　　　　性別：男性　
地點：台南市　　　　　　 GMT時差：　 …

初運不佳,火燥,如果可以既話與家人分開住,對你有利,亦盡量選擇向北方發展,於台北甚至中國北方,最好係西北方,年紀越大運氣越好,但不能急進,因為運氣係慢慢提升,40歲左右開放全面向好,之前請盡量為自己打好良好既根基,好運時就可是享受得更好,祝好運