[激情]

原帖由 笨人7777 於 2006-10-18 04:42 PM 發表。

專旺格 乃 —偏枯之造

遇行運好 —-大發
遇行運不好—大敗 !!

火土運 運當大發 !!!

雖然我唔清楚此命最喜用是什麼,但笨人7777大師用上了八字之外更加用上紫微斗數,只要吻合,此可信性是極高,多一項證據講出來的說話固然更有力,但我有一點不明白,正如癸海大師講過財官印食只要得用都是好命,當然如何為之是得用,真係難講,就以此命為例,假如要從的話財官食多是剋身和洩身之物,強旺的話咪仲有問題?

在此見過幾個火炎土燥的假專命,雖然書中講過假從假專也可大發,但見過幾個差唔多既命格,行幫身的運係好,但唔係個個都係發得到,保守一點來講,行幫身的印比運或者官殺生印來幫身的運,做事大多順利,生活得快樂(這個對人來說已經好幸福),行剋洩大運輕則難成大事,身體唔太健康,重則大敗或………總之小心,而且發唔發到都要睇你行好運行幾耐,五年,十年,十五年,二十年或以上,效果差好遠
而小時侯的丁未運極難講,雖然丁是印,未是燥土又藏喜用的五行,但年紀少兼且之後既大運只係戊申,申運遇壬遇子遇辰年都好煩,後運都唔係好,如果小時候丁未發財之後一定大跌,對一般人黎講好傷,唔係個個都受得起,丁未順境但唔發好正常既,而且真係唔係個個假專都發到,更何況係火炎土燥的格局

[激情]

原帖由 癸海 於 2006-10-17 11:28 PM 發表。

說白一些,,,

要會作球,,,殺球,,,

癸海大師,請問你有沒有車路士班主艾巴莫域治既出生年月日(時)?因為我覺得佢非常傳奇,佢早年雙親離異,91年既時候佢都仲係窮鬼一名,用上十年光陰佢已經係全世界排名十一既富豪,搞石油生意,現在亦都係全世界最多現金在手既人,佢真係白手興家………..相比於現在我睇到好多香港富豪,在書中講到自己鬼咁醒,大條道理不可一世咁,當了解清楚原來家底一早已經唔差,有些更是含金鎖匙出世,什麼買基金最好買實力股等說話,根本只是沒有智慧的風涼話……….相對於蓋池,艾巴莫域治,李嘉誠和沈家偉等真正白手興家的傳奇人物,真係相差甚遠

[激情]

原帖由 癸海 於 2006-10-17 05:30 PM 發表。
隨著一聲新年到，『喜神大帝』看顧您了，
你獲得了『喜神大帝』贈送現金1044個美元。

Stephen Hendry 亨特利 出生日期﹕1969年1月13日file:///C:/temp/CyberArticle/788_files/9.gif …

完全明白,原來是名字上既問題,但亨特的去世和出生年月日無錯嗎?

[激情]

原帖由 rondeau 於 2006-10-17 12:57 AM 發表。
不是亨特利!!

死去的是PAUL HUNTER!!

不是嗎?我係睇新聞睇到個喎?

[激情]

隨著一聲新年到，『富神爺爺』看顧您了，
你獲得了『富神爺爺』贈送現金3924個美元。

原帖由 kennywest 於 2006-10-17 02:53 AM 發表。

:安慰: :安慰: :安慰:

有很多的東西都是不能說的太白的， 每人都是有他們的命運，命理只是一個”輔助的“ 參考工具， 成功是習慣， 失敗也是習慣，沒有背運那有好運， 關鍵是要積極面對。

八字真 …

始終玄學家也不是先知,就算有幾強既功力都未必可以絕對準確,而且人是有情緒的,最強的工程師也有機會錯,歌神也可以走音,玄學家間唔中批錯都唔出奇,加上世界上強既玄學家真係有幾多個

在這個網裡面,其實我都睇過幾個火炎土燥的類似假從命例,而不約而同,哪幾個命例雖然唔係乜野大富翁,在玄學中可能連小富也未稱得上,但當交上幫身之運,多是事業順境,朋友多,錢財方面唔駛特別擔憂,總之好事多於壞事,如果只以市面書籍所講取中和來看,火炎土燥又行印劫強旺之運,早已災禍連連,仲邊有咁得閒風花雪月,或許我只是門外看,睇法有點錯誤,但記得癸海大師講過有印順生,可以稱之為人際關係比較好,在香港這個現代城市工作,人際關係好,往往能夠令人升職加薪,有好的人際網絡,搞生意更易成事,人際關係在現代的人類是必要的,有才華和實力但無好既人際關係而屈屈不得志到沉淪的人實在大把,而人際關係好壞,隨了自己人品之外,對方喜唔喜歡你,討唔討厭你,其實唔會係自己能夠完全掌握,幾講運氣既配合,假如老闆喜歡你,你做到好野升職既機會比起一般人高,有好野都益你先,而你犯錯,他也會有一定既包容,咁既工作狀況,你自然會比起一般人舒服,開心,和有實際成績

[激情]

原帖由 neverquit 於 2006-10-17 01:39 AM 發表。

這幾天剛巧跟女兒討論「愛得太遲」這首歌。很有共鳴的好歌。

跟女兒關係一向很好，她是我的精神力量！:飛吻:

話說回來，沒有工作、收入，又不能生存了……溫飽很重要。

這首歌的歌詞不俗,但首曲依然很悶,香港的好既作曲家在哪裡?

無錯,在香港錢實在太重要,因為成個香港既制度都好有問題,人工太少又無保障,自從回歸之後香港有很多市民日日也要為錢煩惱,成為了奴隸,國歌中不做奴隸的人們已經做了官僚和有錢人的奴隸,實在可悲,請假面具的曾蔭權早日收檔
全力支持最低工資:單挑:

[激情]

原帖由 kennywest 於 2006-10-17 01:27 AM 發表。

實際上現代人太過集中在財富和工作上，是不是有工作和收入就是好的運？ 很多的東西和結果是現在就能決定是好或者是壞， 此刻命主是行食傷的好運， 和女兒的關係就比較好了， 現代人就是太集中在工作和金錢 …

好人緣算是行運的一種吧,相反我覺得一個人行緊運時既感覺應該係有滿足感,大部份事情也心想事成,和快樂………..搵到幾多錢,要睇當事人本身對錢有幾大既渴求和抵線set係邊,有人住一千呎住宅已經足夠,有人會住二十間十萬呎大屋都未夠………….

[激情]

原帖由 neverquit 於 2006-10-17 01:25 AM 發表。

Sales & Marketing. Any advise? Tks!

其實很想寫作或創作……

我都鍾意創作喎,唔知係唔係個個戊土人都係咁鍾意創作既呢?
不過我有件事要告訴你,香港本身係一個文化沙漠,在亞洲區,日本,台灣甚至大陸都有好多創作天才出名,你睇吓時下既香港人,十居其九唔會對任何藝術和文化有興趣,一般小市民只喜歡跟風,跟潮流,搵錢和到處認叻,根本對一些創作文化和藝術係唔會去花時間欣賞和思考,只要留意一吓香港樂壇和報業就會一清二楚,爛鬼低劣口水歌只要有電視台吹捧就會大把人唱和大把人聽,不文娛樂週刊成主流,越有實力和越高質素既越死得快,黃家駒都一早放棄香港回歸天國,如果你唔係特別行緊運,我覺得你都係唔好預你既創作和寫作可以養得起自己,搵餐飯錢可能仲得既

[激情]

原帖由 neverquit 於 2006-10-17 01:06 AM 發表。

完全收到。謝謝！

我以為八字就像統計學，即a+b+c+d=xx格，怎知答案可能出現yy格或zz格……

在此問命，是因為求職多月，都石沉大海、或因某些因素不能上班，現實生活上盡了力之餘，很無助、無奈。便 …

初初學八字,好容易會認為八字只係加加減減,一加一等於二,學耐少少先知這概念絕對係錯晒,市面上有好多位出名既術數師經常在一些玄學雜誌中提及調侯,身旺要洩要剋,身弱就要幫要生旺,這不是不對,但這只是其中一種方法,太概括,如果條條命都咁簡單,我已經係神,哈哈哈哈哈哈哈哈

[激情]

原帖由 kkk02081 於 2006-10-16 10:46 PM 發表。

納音法,,,我不會,,,,,,說實的我的經驗,,,蛋人7777大師,的算法,,好像不太準,,,,我比較注重八字之分析,,,,,,五行因十二個月令會有不同之喜好為準,,
格局,,說實在的我也是猜猜而已,,,

每一個八字是很立體的,現代世界上亦唔可能會有準確度100%既大師,最緊要我反而係覺得如何傳遞給問命的人才是最重要,算出了唔好既事情,當然要交代清楚,但講得太白其實都唔係一件好事,因為會令問命的人更迷茫和心情低落,某程度上係會害到人,當然啦,亦唔係咩都話好就代表是做得對,但從中搵到中間位令問命人仕重拾信心繼續戰鬥不是比較好嗎?令問命的人清晰是最重要
而八字方面,要分格局,要分中和調侯,又要通關,仲有納音,當然唔一定係調侯或者從強就代表搵錢,總然之,太復習了,我自己就幾buy癸海大師的算命方法,而基本上我都只可算是門外漢,其他大大的算命水準我還未有資格評論……….

[激情]

原帖由 kkk02081 於 2006-10-16 09:30 PM 發表。

許多人說了不同的理論,,不知命主是否有從中悟到好運在那,,,如何借由外改變命運,,

好難講,感受係佢先會最深,我們這些外在的人無可能狠批她整個狀況,而且八字好復習,正如癸海大師的算命方法,一條命真係好立體,唔係三言兩語就可以講得清,就以我的命為例,有人說是身旺,有人說是假從,而癸海大師的分析最為深入,就算是喜水,都有分幾種唔同既水,唔係種種水運都會有幫助,有些可以係衰運,另外仲有笨蛋大師的納音批命方法,佢既功力都好深,可惜佢已經講明咗唔再出現於這個網上,請問大大對納音又有何睇法?

[激情]

原帖由 kkk02081 於 2006-10-16 06:22 PM 發表。

我想這個命造主人,,應算是一個標準的窮算命,富燒香的信徒,,所以說很多理論是聽大家的意見,,,也許她也可以花錢找一個算命師幫她算,,,,事實上就算花錢找專業的算命師來算,,,我想結果也會差不多,,,,因為真正的大 …

其實算命要準真係好難,而且我覺得納音算命都好有功效,只係現在少人懂用納音,就當納音不存在,而且命主的八字只有其中的兩行極旺,這類人的起跌是十分明顯,好的時候喜出望外,用半力會有全力或以上的效果,貴人處處,但一唔好運,連普通想打份工都困難過人,十成力都唔知有無一半效果,小人多多,貴人有心無力………..今日係丙戌年戊戌月戊寅日,假如此命主要事業順境係要喜火土,今日應該幾順,就算無特別既機會都應該係風平浪靜,少阻滯,心情幾開心之類,唔知佢係咪呢?

[ 本帖最後由 激情 於 2006-10-16 08:02 PM 編輯 ]

[激情]

原帖由 neverquit 於 2006-10-14 01:00 PM 發表。
隨著一聲新年到，『財神爺爺』看顧您了，
你獲得了『財神爺爺』贈送現金4465個美元。

打了這麼多字，辛苦了！謝謝！

可是，像「丙火,丁火,午火,未土,戌土(忌申酉戌合金局),甲木本剋戊土,但你命中丙丁 …

好難一一解釋,因為會有排打,會手累…….你可以去書局看一些八字書籍來研究一吓,簡單講,虎年(寅木),蛇年(已火),馬年(午火),羊年(未土)和狗年(戌土)都會利你,但只計下半年,因為上半年要睇睇是什麼天干,丙丁戊最好,以上這些全是假設你是專旺而要從強來定,正格就會唔同架喇
其實我都只係好粗糙咁解,所以請別太認真,但可以作參考既,其實現在你行緊既庚運係屬金,也是強金,就算你真的是假專旺格,都唔會對你做成大既傷害,如果係正格既話仲更加會幾好,所以其實你唔駛咁愁既,有很多人的命都會是先破敗後成功的,開頭的少少苦楚分分鐘會造就成功的明天,相反開頭順利都未必會係好,而且一年會有春夏秋冬,總會有幾個月你係可以行運既,只要你頂得住辛苦的幾個月之後既機會你就會接得住,相反唔好諗住特登去接一些好運的月份,我試過,唔work,因為來得太快你唔會接得住,你在辛苦的月份捱過你或許會有能力接得到
其實在這裡問命,一人講一個版本隨時會亂晒龍,而且假如錯了又唔會有人可以負責,喜火土也好喜金水也好,一條命是很復習的,什麼是點水成炎?子水是一點水定亥水是一點水?壬水和癸水又不同類,一點水令火勢更猛,咁申子辰合水和亥子丑的水局唔會又係一點水掛?水旺木飄,是不是任何水來都叫水旺木飄?另外仲有神秘的納音批命,或許我太蠢了,但至少我還分得出什麼是有抵觸的
心理質素往往係勝負關鍵,我到宜家都仲係唔明點解利物浦可以係上半場落後三球低下最後追番三比三仲贏埋強佢地好多既AC米蘭攞冠軍,有d野真係無得解,總然之你現在都唔會係好差,只要努力生存,總會有回報,現在做足安全操施,第日理得佢打十號風球,never giveup,fight!!!!!!!!!!!
別要當我幫你批命,希望我一些說話可以俾到力量你爆多幾段

[激情]

隨著一聲新年到，『喜神大帝』看顧您了，
你獲得了『喜神大帝』贈送現金2676個美元。

原帖由 neverquit 於 2006-10-12 11:29 AM 發表。
隨著一聲新年到，『富神爺爺』看顧您了，
你獲得了『富神爺爺』贈送現金3032個美元。

以下資料，希望對您們有幫助，可找出是甚麼命格：

-么女。先父最疼我。兄姐們對我，有的是有心無力，有的是有力無 …

第一柱丁未大運,看似是好的大運但地支午未合而不化,是合絆,反而減低助力,如果當時遇水年更加拖累到大運,之後大運戊申,有申金在已經唔可以令你在這個十年大運中有好既助力,而講到你在中秋中過橫財,照咁計戌土應該對你財運有利,戌運較順利,而講到98年你掂,唔出奇,當年是戊寅,寅午半合火,有水來亦可洩水,再加上看李居明的書講過,戊土的人遇寅木大多數都會得到好多野,包括名與利,舒淇也是戊土人,條命唔算好,但交上寅運即名利雙收,而且羊年五富也是寅木,雖然你日支和時支無寅木,但當你遇到寅運或者寅年都要盡量發揮,無衰既,但切記假如是壬寅和庚寅年只而由夏天開始至年尾,上半年要守

雖然書中講專旺格是其中一種可以大發的命格,但只宜於正宗的專旺,以戊己土為例,需要辰戌丑未全,由其是要有辰或丑,因為此濕土有調侯作用,最好就再有印星和一個庚金,命格更高,相反火炎土燥的假專和一些有一點財星或官星破格的假專,多是大起大落,行運時一樣可以好順但未必會有大發的機會,所以市面中有好多假專和假從的命格,有很多術數家都驚背不起責任當正格論,而且必然會以順洩的食傷和傷官作喜用神,因為就算批錯都好,事主很少機會會在順洩的大運有大災難………在命理中,假如現在每個月月入十萬的人,其實連小富也未稱得上,所以假專的人,只要心頭唔係過大,在行印運或比劫運時,也可以幾開心既

而講到你喜歡飲水,不能就此定斷你是要水,因為人十居其九都鍾意飲水,而且一個人在不同的年齡,隨時會有機會非常喜歡某一類型既食物和玩意,有些人會因此而得禍添,另外人喜歡些什麼亦會因為大運的轉變而你的取向不同,唔係鍾意就會係好,唯一話水可以令你有財既講法你都唔會岩駛,有些人八字全無財星一行財運搵大錢,但你的時支辰土中還有癸水,所以應該唔可能成立,不過咁,水有分壬癸亥子,性質和強弱個個都唔同,再加上流年之助,無可能個個都咁黑既,你還有希望,俾心機吧

有陣時人真係要有希望,無希望如何生存?半點真假大少都要有啊,人生短短幾十年,誰人可以無希望地生存?誰人熱愛做奴隸?世界上乜有既咩?

[激情]

原帖由 笨人7777 於 2006-10-13 07:48 PM 發表。

甲木遇 水旺木漂阿 !!

無奈阿 !!

乙木也遇水旺 又是 坐死地 !!

前兩大運 都是走水運

壬戌 又是大海水

甲乙木 都遇到大水

甲木受不住水 ——主血病

血病 有 白血病 紅血病(紅斑 …

個人認為甲木不會遇水而水旺木漂,始終甲木是陽木,不是陰木,而且亨特利八 歲才起運,一上運就是癸亥大運,據聞他是由十二歲開始學打卓球,十六歲成職業,而他的高峰期和低潮期也是處於之後的甲子大運,甲運他成為世界冠軍,贏到了名與利,可能因為係咁早行運,於子運的年期一度沉迷酒精與玩樂,成績當然就無早幾年咁好,而他的胃癌也是始於子運,到今年一轉入乙丑運,剛浪子回頭從新發力的一代天才球手便要離開人世了………………