危急!請各大師父幫幫忙! – (男命1978 年生)

  • 激情

    會員
    2 7 月, 2005 在 4:51 下午

    癸海大師, 十分認同你的回應.

    雖然我的八字常識唔算得係好好, 但係自己的經歷, 自己比起任何一個人還要清楚, 尤其是一些人生的高潮和低潮, 是不是可以自己控制的也十分清楚

    首先, 大部份的大師都會認為此命是身旺, 喜金水忌火土, 我起初都以為係, 但於自己深究過之後發覺有出入而且不斷有人回應咁我先至再入來留言

    基本上, 如果此命是身旺, 最喜的應該是傷官, 亦即係我的辛酉大運, 雖然在辛酉大運這段期間唔算有乜野差的事情發生, 但同樣地亦都無乜野好既機會出現, 唯獨是乙亥年的癸未月(一個月內考入到大公司, 當時是幾千人裡面挑選六個, 比我好的人多的是), 丁丑年(搵錢機會多, 自己的技能也得以提升, 貴人多), 戊寅年(戌月開始有穩定收入, 工作環境亦算適合, 包括人事方面), 己卯年(財運穩定至亥月止, 有朋友幫忙), 庚辰年的癸未月(貴人多助, 在一個圈子裡面, 這個月風頭算強), 壬午年的下半年(多貴人幫助, 搵錢機會多, 更有掌權的機會)還有甲戌年雖然完整年都是一般, 但暗地裡有機會學到一些技能幫助到日後……..而其他年份既日子都唔係咁好, 而且學生時期眼見其他同學個個都可以找得到Part-time和暑期工, 相反我就從來唔會搵得到, 我進財的時候往往也是遇火或者遇土的流年流月才有機會, 不管是做自由業還是正常打工也一樣

    另一回應就是講我只喜庚金, ok, 咁我都有一些回應, 辛酉大運之前, 我正是行庚申大運, 相比之下, 我敢肯定庚申大運比起辛酉大運順利, 但乜唔係身旺既人係用傷官洩秀比起用食傷洩秀好嗎?不過咁, 庚申大運的好只是大起大落, 一落到申運因為申子半會水的關係, 所有野一落千丈, 當時我年紀太細, 好多事情都唔係我可以控制得到, 而申運的壬申年, 我的學業一落千丈, 不是我不努力, 而但班內充滿了黑社會, 而且我更不知何解地成為了眾矢之的, 能夠繼續生存得到已經是萬幸, 而庚申大運開心快樂的時間, 巧合地又再一次離不開火土流年, 庚運的乙卯年的下半年, 丙寅年, 丁卯年和戊辰年的上半年肯定是我最開心最順利和最光輝的時光, 相反同是行緊庚運的甲子年卻是病痛甚多, 不算得是好

    最近剛剛行緊壬戌大運, 因為之前聽過有人講話我忌火土, 所以一年前的癸未年我做事完全唔敢太主攻, 驚做乜衰乜, 因為癸戊合火, 地支未土也是燥土, 但現在回想返當年我是非常多機會的, 而且整年都無乜唔開心既事發生過, 相反近兩年的金地年就真係頭頭碰著黑, 連一個幫手都搵唔到………..因為最近一年自己是自由業的關係, 我發覺我在夏天火月的機會是比較多的, 而最近六留意到我每次收到錢的日子, 竟然全是火土旺的日子和經常都是戊時, 相反金水的日子卻沒有任何生機, 而且上年甲申年的丙寅月, 我做一份我還未完全純練的工作, 丙寅月內竟然成為了公司的Topsales, 嚇了眾人一跳, 之後的丁卯月, 因為行緊壬運, 壬丁合木, 哪個月我這位上月的Topsales被一位沒有用的上司拖了落水, 被炒了…….而且工資也要待到之後的己已月才收得返

    其實我並不是來搗亂, 亦並不是一定要聽到有大師話我條命好才認同, 但我的確發覺我在火土流年和流月係順利好多, 相反金水日子, 尤其是全水的日子, 我完全感覺唔到我有咩好, 只有事事不順

    看了我的留言, 請各大師回應, thankyou